نال 498 - مشروع التخرج 1

وزن المادة المتطلبات
3 ساعات نال 340 - نال 324

مشروع التخرج (1) هو من اهم المواد الي بالخطة لان إذا قدمت على أي شركة بيسألونك عن وش سويت في مشروع التخرج و وش الصعوبات الي واجهتك أنت و مجموعتك فلازم تهتم فيه كثير وممكن حتى تشارك في مسابقة أفضل المشاريع على مستوى الكلية أو الجامعة.


أول أسبوع من كل ترم إدارة القسم تعلق أوراق عند مكتب رئيس القسم فيها عدة افكار لمشاريع التخرج المطلوب منك بعد ما تنزل مشروع التخرج في الخطة انك تأخذ نموذج تعبي فيه بياناتك وبيانات مجموعتك وتختار المشاريع الي ودك فيها (وبعدين الإدارة بتحدد وش المشروع الي بتأخذونه) وبعدها تبدأ تطبق كل الأشياء الي درستها بمادة تحليل وتصميم نظم المعلومات نال 240 عشان تقدم في نهاية الترم عرض (للمشرف والمقييمين) يحتوي على شرح للمشروع ، وش المشاكل الي بيحلها النظام ، وش اهدافه ، متطلبات المشروع ، رسمات توضيحية للنظام و لقاعدة البيانات مثل (Activity diagram, ERD) وغيرها.


بما ان مشروع التخرج أغلبه رسومات توضيحية فأفضل برنامج هو lucidchart خصوصاً انه مجاني للطلاب (لحد معين) تقدر تستخدم ايميلك الجامعي وتسجل فيه هنا


رابط الدرايف للمادة https://drive.google.com/drive/folders/1UWWlt5RrRJUCTdN_G5PEQqRlEmCyg0Un